Витьид-а?
Ӧй вала‚ кема а‚ ӧжыт-а
Тонэ витенэ кыстӥськиз‚
Толэзь-а‚ кык куинь гинэ ӝыт-а‚
Тани тонэн нош пумиським.
Туннэ пилемо инбамлэн но
Тырме югытэз чеберез
Нош тон? Уродэн-а‚ ӟечен-а
Витид пумиськон минутэз?
Дырлэн мертэтэз чик ӧй вал кадь,
Дырез мон ӧй кур дыртыны‚
Кема ӟеч кылъёс но ӧй люка‚
Куке нош луим огинын.
Витид-а‚ ӧтид-а‚ курид-а
Часэз минутэн воштыны?
Валай мон: бен‚ тон но витид‚ дыр.
Тырмиз синъесад учкыны.
|