Намер
Намерез емыш уг шуо‚
Мар‚ пе‚ солэн коньытэз.
Тӧл нюлэс сайын уг шула‚
Со будэ‚ уг тод лекез.
Узыез но, борыез но,
Эмезез но вань бичась.
Мар уг дырто намерлы нош‚
Мар сое ӧвӧл утчась?
Горд рубин кадь ошиське со‚
Бер сӥзьыл но со чида.
Кильтырес ныллы уг лэся‚
Но кип ке басьтоз меда?
Намерез ке адӟисько мон‚
Беромем умой нылын
Будосэз ӵошатӥсько мон.
Жаль потэ дырын-дырын.
Со вите‚ ӵыжыт шапык кадь,
Ошисько горд мульыос.
Мыкырскы жаляменыд коть‚
Мыкырскы—ческыт потоз!
Сузьетэн сое тон окты‚
Чеберез яркыт пиштоз‚
Чик тыныд со чырс уз поты‚
Сюлэмдэ каньыл кароз.
|