Меми
Меми кылэз нырысь веракумы‚
Ӧвӧл на асьмеос адямиос.
Солэн ми куаръёсыз луиськомы‚
Со писпулэн‚ кудӥз утёз‚ возёз.
Нош адями ӧвӧл будос выллем‚
Солэн сюресъёсыз‚ лудэз — аслаз.
Меми вордэм корказ огназ кыле‚
Келя ни нылпизэ кузь улоназ.
Сётэ валэктонъёс‚ индылонъёс‚
Кызьы‚ мар лэсьтоно‚ мар кароно‚
Пумиськизы ке лек шуг-секытъёс‚
Луоз со весь тонэн‚ артэ мыноз.
Тон уйёстэ кӧлылытэк‚ меми‚
Малпаськиськод нылпиосыд сярысь.
Тонтэк уг лу нокин но адями‚
Тон вордӥсьмы — лякыт но сюлмаськись.
Сотэк-а тон котьку ик милемын‚
Тонэн ортчытӥськом вань улонмес.
Сотэк-а нимаськом анай нимын
Ас вордӥськем дормес но шаермес.
|