* * *
Шунды нюлэс сьӧры ватӥськыку‚
Мӧзмон юнгес ни ӟыгыртэ монэ.
Сяськаоссэ ватэ шудбур Писпу‚
Гуртэд шобыртӥське акшан ынэн.
Ӝытлы быдэ‚ шунды пуксьылыку‚
Гуртэд пала учкылӥсько ӵемысь.
Горд вукарнан выллем‚ сюлмы туннэ
Отчы лобӟын турттэ ӟырдам гадьысь.
Васькиз ке тӧл корка липет вылад‚
Лушкем йыраз ке со укноостэ‚
Тон пырты вал монэ уйвӧтъёсад‚
Сайкыт мон карысал ческыт умдэ.
Нош вазь ӵукна ӝутскиз мусо шунды —
Бадӟым синмо горд вукарнан тусо.
Кема‚ вылды‚ сылод соку лудын —
Шӧдод-а тон‚ кызьы куаръёс учко?
|