* * *
Котыр ӝужыт пумем турын.
Кыллиськомы ӵошен отын‚
Инме йырмес удыса.
Ваньмыз огвакытлы вунэтэмын.
Кулонлэсь но, висёнлэсь но палэнын‚
Сьӧлыко малпан гинэ на эрико.
Пужым ягед ватэ вужереныз
Чакласькись шунды силэсь.
Пужым сирлэн курыт зыныз
Изён эмъюм кадь жуммытэ.
Тузь зынэн сураськыса‚
Ӝӧлмам йырез поромытэ.
Сьӧлыкен вордскем малпан
Пужымъёслэсь кепыр вае.
Толэзь инме ӝутскем бере‚
Кот бус пытьыосмес ватэ.
|