•••> Ольга Ведрова. Азькыл

Уг валаськы

Уг валаськы‚ маин бордад кыскид‚
Тодмотэм инсьӧре уськытӥд.
Малпад вал, дыр, та шудонлы пӧрмоз‚.
Ваньмыз ас сяменыз ортчоз.

Трос мон лыдӟылӥ яратӥсьёс сярысь‚
Одӥг малпан уг кошкы сюлэмысь:
Отын гожто: капчи яратыны‚
Но туж секыт сое вунэтыны.

Ваньмыз ик та пушкам пыраз.
Ӧй оскылы сыӵе веранъёслы.
Но зэм‚ капчи вылэм пумиськыны‚
Но шуг яратонэн люкиськыны.