•••> В. Данилов. Азькыл

* * *

Шур дурын одӥгнам пукисько,
Но вулэсь быземзэ учкисько.
Дуннеын одӥгнам калгисько,
Аслэсьтым палдурме утчасько.

«Шур, кытчы тон огнад бызиськод,
Но ярдур будосэз кыскиськод»?
Собере тон сое костаськод,
Но берло тон сое выйтӥськод.

Бен, озьы ик мон но мынӥсько,
Адями тулкымлы пумит вамыштӥсько.
Нош кытчы-о тон ватӥськод?
Со сьӧраз, ведь, нуэ валаськод.

Уз, уз тырмы мынам кужыме
Со пумит тулкымлы мыныны.
Адями тулкымлы сётӥсьса,
Мон отчы весыклы кошкисько.

Сэрпалтэ со монэ котькытчы,
Ярдуре кутскыны тыршисько,
Мынытэк уз луы со сьӧры,
Кулэтэм кужымме быдтӥсько.