•••> В. Данилов. Азькыл

* * *

Кызьпу сулэз чигтыса,
ческыт лулвузэ юиськом,
сое асьмеос сурсвуэн гинэ
яке маин ке эшшо сураса юиськом,
нош…

Куке но со кызьпу будӥз
зэмос лулву вылын,
кудзэ кисьтӥз огшоры адями
ас музъемзэ возьмаса,
нош туннэ…

Номыре валатэк со
сулъёсты – киосты – йырсиез
асьмеос чигтӥськом,
соослэсь синкылиоссэс
юиськом валатэк.
Озьы, нош ма карод,
ум валаське, лэся,
йырбыдтӥсьёс но сӧсыртӥсьёс
луиськом шуыса.