| |
•••> В. Данилов. Азькыл
|
Чупа на эшшо ...
1 Одӥг пол чупай тонэ, чебере,
Тон серектӥд но шуид:
«Пал куктэ кузъяд бере,
Кыкетӥзэ но кузъя ини, мусое».
Тодӥсько ук, кельшыло тыныд,
Мынам ӟырдыт чупамъёсы.
Тодӥсько ук, яратӥськод тон монэ,
Льӧль ымдуро яратонэ!
2 Кык пол чупай мон тонэ, гажанэ,
Тон мыньпотӥд но куаретӥд:
«Куинь кылыз Инмарлэн, пиёке,
Чупа на эшшо, курисько мон тонэ».
3 Куинь пол чупай мон тонэ,
Тон нош ик шунад но вазид:
«Коркалэн ньыль сэрегыз, яратонэ,
Ньыль пол чупышты тон монэ».
4 Ньыль пол чупай мон тонэ,
Тон лушкемак мыным мадид:
«Дунне калыклэн лыдыз пумтэм,
Чупалля монэ тон пумтэм-йылтэм.»
|
|