•••> В. Данилов. Азькыл

* * *

Мон ӧвӧл, дыр, та улонысь,
Мон лыктӥ, дыр, сопал дуннеысь.
Мон тӥлесьтыд висъяськисько.
Тонэ гинэ уйвӧтам адӟисько,
Ог-огмес юн яратӥськом,
Ог-огмытэк курадӟиськом.
Тон палдурес. Мон палдурес,
Асьмелэн одӥг гинэ сюрес:
Тон но мон кулэ вераны,
Быдэс дуннелы ивортыны:
«Асьме кадь ик муртъёс вань шуыса,
Асьмелы но капчи улыны шуыса,
Ми но улыны быгатском шуыса».