Ойдо зор
Кытысь таӵе суредась
Гужемлэн пумаз вуиз?
Витимы ни кемалась —
Ӧтьытэк вуиз‚ ачиз.
Шобыртӥз вож узьымен
Паськыт‚ буш луд вылъёсты.
Чеберъяз коштан дӥсен
Нюлэскысь писпуосты.
Собере‚ вылды‚ жадиз‚
Шӧтэмзэ буёл кутӥз.
Инбамез пожмаз‚ сьӧдмаз.
Зор ваиз ведраосаз.
Нош мӧзмон таӵе дыре
Уг‚ уг вордскы кемалы.
Кырӟа‚ экты ноябре‚
Жингырты‚ сюан гырлы.
Пилемъёс лэзько улэ,
Мед озьы али улоз.
Шундымы шат тэк улэ‚
Тани вите - пальпотоз.
Мар инбам та‚ мар инбам
Кымаське йыры вадьсам?
Я зоре ке, ойдо зор‚
Вань музьем будоз провор.
|