Нюлэс кырӟан
Тодмо пинал дырысь
Нюлэс кырӟан.
Лыктод — соку выльысь
Сюлэм вырӟе.
Куректонэд отын
Быре-кошке.
Тылобурдо кылын
Со вераське.
Куарен шильыртыса,
Со лулӟылэ.
Сылод кылзӥськыса:
Зэмзэ — улэп!
Пальпотыса учке
Сяська синмын.
Аслаз йылыз‚ шӧдске‚
Чагыр инмын.
Ваиз ке сьӧд пилем
Коттӥсь лек зор‚
Липет луэ милем‚
Уте туж зол.
Лымы усем бере
Луоз тӧдьы.
Дася — кылёд бере —
Куасъёс‚ дӧдьы.
Чебер‚ шунды понна,
Эх‚ тол сюрес!
Гӧртэм ваен шона
Мусо нюлэс.
|