•••> Елена Панфилова. Азькыл

Вождэ эн вай, Герд

Тодӥськод-а, Герд,
Мон туннэ султӥ,
Семьяме сюди,
Уж дурам дыртӥ.
Машина выллем
Вылӥысь косэм
Ужъесты радъяй,
Кинэ ке ушъяй,
Кинэ ке курлай,
Кыл кылӥ…

Тодӥськод-а, Герд,
Выль шунды ӝужаз,
Выль оскон кузьмаз.
Удмуртъёс туннэ
Пачылак уло,
Ас данзэс ӝуто,
Лудмем юсьпизэс
Кутӥзы быжтӥз,
Косизы ке, со
Шуд ваёз одно…

Тодӥськод-а, Герд…
Мар сярысь ай мон…
Бен, ваньмыз умой.
Улӥськом майбыр,
Ӝок вылмы но тыр…
Тодӥськод-а, Герд…

Вождэ эн вай, Герд…