•••> Елена Панфилова. Азькыл

Улонлэн позыртэтаз

Пукисько турын вылын
                                       вырйылын,
Улонлэсь но вакытлэсь
                                       палэнын.
Кинъёс ке улын ялан бызьыло,
Ужазы я гуртазы дыртыло.
Кинъёс ке юо вина, супырӟо,
Кинъёс ке коньдон понна
                                       вир кисьто.
Кинъёс ке «пыжо» сьӧд зарезь»
                                       дурын,
Кинъёс ке уло жоб, юрзым
                                                полын.
Кытын ке чирдо молитва,
Нош кин ке вылаз ик сяла.
Кинлэн ке туннэ сюанэз,
Кинлэн ке юртэз-коросэз,
Кинлэн ке…
Шуак тӧл бурсъе, кошкемыт вузэ,
Ваньзэ тугаса шӧй куаръёс пазя,
Сьӧлыко муэз куар силё ватэ…
Мар ай, мар таӵе? Инмаре-куазе!…
…………………………………
Кӧс модос вылтӥ инбӧчы тубе…

*инбӧчы-зоркибы