•••> Елена Панфилова. Азькыл

Лобисько

Пыдэстэм бекчее тэтчисько:
Лобисько,
                   Лобисько,
                                       Лобисько...
Шӧдӥсько: тани, тань шуккисько
Синъёсме киыным ӵоксасько.
Уралтэм кӧшкемыт сьӧд изъёс
Пиньёссэс мон понна ни шеро,
Ма бен, тани усё ни,
                                       усё,
Огшокчем, -
Уг но вутты шуса, дыр,
                                       "- ӧй-йо!"
Пазьгисько но сылмо.
Но уг ву на, уг ву на пумыз
Дуръёстэм, пыдэстэм корт
                                       гумы...
Я тани, я тани шуккисько -
Малы ке нош – ялан
                                       лобисько.
* * *
Мон выльысь бекчее тэтчисько,
Лобисько,
                   Лобисько,
                                        Лобисько...