•••> Елена Панфилова. Азькыл

Тубон

Бӧрдэ ке сюлэмы мынам
Кытысь шедьтом солы буйган,
Кытысь шедьтом мамык тӧлъёс,
Кытын-о тӥ, ненег киос.

Уно из юрт пыртӥ пото,
Корт липестсэс но пильыло,
Бӧрдэ ке сюлэмы мынам,
Ӧвӧл солы улон чидан.

Тӥни пилем - зымо пушказ,
Тани шунды - шунско мышказ.
Ой сюлэмы - ачиз лобан -
Шузимыса утча буйган.

Йыга, йыга со ин ӧсэ,
Гу, гу,- вазе йӧӟем пилем.
О, кыџе кӧшкемыт пӧян,
Мамык кӧкыосты вӧтан.

Сюлэм, бурдзэ сӧсыръяса,
Мырдэм-мырдэм виссэ шедьтэ,
Вӧсь луэмзэ буйгатыны
Шунды доры на лопырске.

О, синазькыль дунне радлык,
Тылын сутӥсь шунды сиос,
Ӧвӧл, ӧвӧл, буйган тулкым;
Инмысь усё ӧлексыос.

Усё, усё, чигем бурдо,
Ӵушкам бурдо вир комокъёс.
Соос тодо ни зэмлыкез,
Сылмо пумен уг ни бӧрдо.

Пелез вандэ вакыт куара,
Висись улон кер-кор шока.
Но вордӥсько на сюлэмъёс,
Буйган шедьтон понна выльысь
Инме кыско чильтэр бурдъёс...