•••> Елена Панфилова. Азькыл

Улон кузя

         Сюрес кузя читыр-чутыр
         Мынэ каллен-каллен, нюштыр
         Мынам лулы,лябӟем, бездэм,
         Читыр-читыр, каллен-каллен.

Мынэ отчы, кытын ӟардэ,
Мынэ отчы, кытын шудо,
Мырдэм-мырдэм,каллен-каллен,
Лябӟем мынам лулы, ранӟем.

Тодэ: уз вуы пумозяз,
Тодэ: ӧвӧл отын зэмлык,
Озьы ке но - читыр-чутыр,
Каллен-каллен, нюштыр-нюштыр.

Тӧлэн туркам кышет выллем,
Лулы мырдэм сэрпалляське,
Читыр-чутыр, нюштыр-нюштыр
Ассэ ачиз азьлань кыске,
Сылме...

Я мар паймымонэз отын?
Толон, туннэ но ӵуказе
Вал, вань но луылоз озьы-
Каллен-каллен, читыр-чутыр...