•••> Елена Панфилова. Азькыл

Куректонэн тырмем омыр…

Куректонэн тырмем омыр,
Бездэм шунды, куасьмем турын.
Шуод: "Вуэ, вылды, сӥзьыл".
Ӧвӧл, куректонэн тырмем
                                       омыр.

Куректонэн тырмем омыр,
Викышъяса бӧрдэ инбам.
Шуод: "Вуэ, вылды, сӥзьыл".
Ӧвӧл, куректонэн тырмем
                                       омыр.

Куректонэн тырмем омыр,
Дырлэн курыт чарка пыдсаз
Трос синкыли луиз укыр.
Куректонэн тырмем омыр.

Оло... озьы вуэ сӥзьыл...