•••> Л. Марданова. Азькыл

* * *

Нош Инмаре пӧрме ни висёнлы.
Котькуд ӵукна вӧсяськисько солы.
Шудтэм яратонлэн кизилиез,
Мон шӧдисько: таиз ни – берпумез.

Пеймыт ӝытэ дорам вуид ачид.
Бӧрдӥд, курид, ӧтид но оскытӥд
Юмал визез. Улон, шуид, – одӥг,
Ваньмыз керттылэмын, пе, зиго-зиг.

Ӧвӧл.
          Инмар васькиз музъем вылэ.
Сьӧлыкеным одӥг гожын сылэ.
Лыз синъёсме каллен кынё туннэ.
Быдтоз монэ утчам лул висёнэ.