•••> Л. Марданова. Азькыл

* * *

Уй инмын шуш, шимес куараен
Туннэ нош серекъя тыр толэзь.
Тубыны ас дораз вылӥе
Отемзэ мон уг витьы солэсь.

Иырсиме лэзьяло. Сьӧд гур ым
Сьӧсь пӧйшур кадь монэ нош ньылоз
Ужпие - ӝог лобась вуж вышкы
Бусыысь кыз улэ сэзь вуттоз.

Вуозы эшъёсы - вегинъёс,
Султомы котырак огинэ,
Гурт палась сьӧд атас куараос
Вуытозь ӵошатском, кин кинэ

Быгатоз лобанын ортчыны,
Вень пасьтӥ потыны замангес,
Нюлэскысь тыпыез куасьтыны,
Гожтыны котыраз тыл эгес.

Валантэм мыддорин дуннеын
Толон кадь ик, туннэ но вормо.
Мон ӧвӧл ни татын куноын –
Мон ялан ас дорам. Сайкало.