* * *
Йыромем муш гинэ весь моль утча.
Шедьтоз меда? Татын ваньмыз курыт.
Уйвотъёсы кылиз вож сад-бакча,
Лудъёс вадьсын берга быркыт.
Уг чеберма сяська возьвылъёсты –
Ваньзэ усыкмытэ эксэй турын:
Яръёс сярысь уг вота "чагыр ты" –
Кузёяське кузялпот зын.
Ӧвӧл гуртъёс. Шайёс но выемын
Дауръёсы. Геры сисьме сюйын.
Татын музъем вирсэр но ӵакмемын –
Сюэз уг юзматы куйы.
…
Кыӵе зыно ӵынэн тырмытылӥд
Та улосэз?
Марлы ӧз сузь нодлык?
Кыӵе крезез уг кыл пиед-нылыд?
Кытчы кошкид тон, мурома калык?
|