Екатерина Макарова
 

 

•••> Екатерина Макарова. Азькыл

 

Рецензия

П. Захаров

 Али ке но син азям Миша Федотовлэн ымнырыз. Кыџе шумпотыса лыдњиз со Катя Макаровалэсь кылбуръёссэ. Ма кызьы-о уд шумпоты сыџе чылкытэсь чуръёс понна! Котькуд кылыз юн-юн аслаз интыяз пуке ни, уд кушты, уд вошты ни сое чурысьтыз. Мылкыдыз но, малпанэз но, крезьгурез но, ваньмыз одћг уробо борды кыткемын. Кылбурчи юн возе аслэсьтыз серметсэ. Со асьме улонмылэсь висёнъёссэ но шќдэ ни, вань сюлмыныз вала туала литературалэсь курадњемзэ. Соин, вылды, сюлмыз вќсь луыса ик кеське, усьтэ:

Та дас тямыс но аресам,
Я кин оскоз, сыџе жади...
Ќссэ ќз усьты на инбам,
Улон иыдзэ ини подћз.

Ыштћ дорме, ыштћ дырме,
Егит-а мои яке пересь?
Даур зћбе кадь пельпумме,
Азям... ай ортчымтэ сюрес.

Рифмаос сокем ик чебересь ќвќл на, малпанэз но пумаз куспетћгес дугдэ. Ќзгес быгаты на кылбурчи аслэсьтыз та кылбурзэ быдэсак лыдњись азе поттыны. Кылиз на солэн веранэз. Оло кылбур размерез ќжытак эгесаз, оло дћсьтонэз ќзгес тырмы, оло кыл песьтэрез капчигес на. Ма, ачиз кылбурчи но сое умой тодэ. Со литература удысын ужась эшьёсыз доры лыктыса вазиське, юалляське, визь-нод басьтэ:

Огпол шуид: "Тон шедьты кыл,
Мед џушкалоз со сюлэмез.
Од юедьты ке, нокин уз кыл,
Куара уз сёты малпанэд".

Улонэлэсь мултэс ќй кур,
Кызьы луэ ни улћсько.
Толон пќрмиз кадь вал кылбур,
Туннэ нош кыл мон утчасько.

Бен, зэм верам Катялы солэн кылбурчи эшез. Кылбурчилэн кылыз сюлэмез џушкась медло яке кулэ дыръяз либатыны но со мед быгатоз. Малпанэз но паськытгес но мургес медло. Мед сётоз со лыдњисьлы пичильтык ке но кужымзэ. Озьы ке ќз луы, марлы соосты гожъянэз. Соин ик Макарова нош ик дышетскыны кутске, выльысен, выль синмын эскере ни со Флор Васильевез, Владимир Романовез, Михаил Федотовез. Ужамез юнме уг луы, Катялэн азяз паськыт дунне усьтћське. Инкуазь но адямиен герњаське ини татын. Усьтћське философия, усьтћське психология. Тани со ваньмыз тон азьын. Но кышкытгес на огнадлы та бадњым зарбзе зымыны. Соин ик кылбурчилэн тодаз лыкто кужмо дышетћсьёсыз, эшъёсыз. Соос ноку но огнадэ уз кельтэ уга. Тани соос џош сыло ни: Флор Васильев, Владимир Романов, Михаил Федотов но егит кылбуочи:

Вунэтћ инкуазьме, вунэтћ,
Бен соин, дыр, куазед но зоре,
Пичи мурт кадь, вылды, куатаськиз,
Буйгамез нош уг лу табере...

Кытын ке викышъя гудыри,
Амалтэк сюлэмы шымырске:
Мои ќй кельты тонэ вал юри,
Но уг вера — аслам сьќлыке.

Серектод-а туннэ, я чашъёд,
Инкуазе тон мынам, Инмаре,
Музъемозь ик тыныд йыбыртто...
Нош куазед весь зоре но зоре...
Кыџе паськытаз дунне.

Мар быдња сектала усиз егит кылбурчи вылэ:

Паймисько, паймисько вал азьло,
Малпаса та улон-вылонэз:
Я малы поэтьёс бен уло
Туж ичи но кошко егитэсь?..

Со паймон ни, паймон вал азьло,
Улонэ воштћськиз-а, оло?
Азьлолэсь но ортчыт паймисько:
Со кема нош кызьы чидало?..

Но котьма ке но, кылбурчилы чиданы кулэ. "Мыным туж луиз ке но љож, тћледлы кузьмало яратон",— шуэ ни со.Тани со азьын сћзьыл куазь сярысь урод супыльтыло. Нош кылбурчи вала ни сћзьыллэсь узыр лул-сюлэмзэ. "Сћзьыл куазез эн шуэлэ мозмыт, лясиськись куар кадь ик туж акылес. Я дунъялэ сое вылтћ, тырмыт. Ноку эн каре инкуазез мылес"— шуэ пыд вылаз йыг-йыг султэм кылбурчи. Табере малпанъёсыз но чебересь ни солэн:

Чалме толалтэ,
Тулыс ни артэ
Сюлэмам вордћське
Ненег крезьгуре.
Кырњан бурдъёсы
Куке юнмазы,
Кылод, дыр, монэ,
Вазёд: "Гажанэ,
Џошен љутскомы
Чагыр инбаме..."
Инкуазь дасяське ни
Тулыс сюанлы!

Мар бен, чебер сюрес вылэ султћз егит кылбурчи. Њеч сюрес солы сћзёме. Мед со кузьмалоз њырдыт яратонзэ аслаз гажанэзлы — поэзилы. Поэзия но "ойдо, џошен љутскомы" мед шуоз солы.