•••> Екатерина Макарова. Азькыл

* * *

Сыџе улэм потэ, улэм потэ туннэ но,
Улэм потэ, кызьы косэ сюлэм.
Нош бускеле арлан кадь серектэ но
Тон чылкак еж на ай, шуэ, вылэм.

Кин, пе, туэ сюлэмызъя улэ на,
Шуэ, мукет катъя ни улоно,
Берпум пыдул лёгет ке, пе, ќд лу на,
Азьлань, отчы, вылэ кыстћськоно.

Кызьы љутскод, соиз аслад ужен ни,
Кулэ муртлэсь кизэ-а вќялод,
Мукет сюрес ке љутскыны ќз сюр ни,
Оло, берпум эштэ но вузалод.

Сыџе улон ке, мар-о, пе, карод на,
Ќд лёга ке, тонэ лёгалозы.
Нош тон, шуэ, маке, пе, кырњаськод на
Сюлэм сярысь, озьы-а улозы.

...Туэ катъя ваньзэ шонер вера кадь.
Визьмы вала, уг вала сюлэмы.
Сюлмы мынам, сюлмы ук еж емыш кадь.
Со еж ке но, кузё улонэлы.