•••> Ладимер Натӥ . Азькыл

* * *

Кылбурчи мон, уске, пыдйылчи.
Нош доре мыным – лыз-лыз инмын.
Мон аслыз даурлы сюресчи,
Мыным котькин сузэр яке вын.

Кылбурчи мон. Соин туж капчи
Поръясько вукарнан бурд вылын.
Туж ненег, чупырес но шортчи
Бурдъясько лулъестэс мон кылын.

Кылбурчи мон. Шайтан но кылчин.
Данъясько мон чылкыт сьолыкез.
Бен, визьмы, дыр, мынам туж вакчи,
Но – уд пытса зарни четлыке.