•••> А. Кузнецова . Азькыл

* * *

Кобла мон.
         Вылам бадӟым воз тыремын,
         Вормид ке но,
         «Ну!» – шуэмын.
Ыж йыр мон:
         Монэ такаос котырто,
         Бӧксо,
         Лекало,
         Тэтчало но шудо.
Озьы ик мон скал но:
         Кунян ваисько,
         Йӧлме сётӥсько но
         Гидын улӥсько.
Мон ик чонари вотэсэ сюрем кут:
Золтэм вотэсысь потэмэ но уг Лу

Ачим ик, лэся, чонари луисько.
Асме кутӥсько но асме быдтӥсько.

Мон кый но, дыдык но,
Эбек но сяська.
Чебер потӥсько ке – кӧты но веська.

Куштэм пал кышно мон,
Коть оскы, коть эн,
Пӧртэм кыйкаллы укшасько чиданэн.