Али уд шудћськы ни
Чалмем ву вылын пеймытгес луизы
Лыз вужеръёс‚
Чагыр инбамез но ини ӵоксазы
Ӝыт пилемъёс.
Нош мон сылћсько џыдытэк ярдурын‚
Тонэ возьмасько‚
Шыпыт вайёсын шобырскем бадь шоры
Џемгес учкисько.
Тани ву вылын мар ке адӟиськиз.
Пыж. Тон пыжын.
Соку ик гадям кырӟан вордћськиз —
Кыџе кужым!
Жингрес куарае улӟытћз ярдурез‚
Бадь но сайказ.
Яратон мылкыдлэн ќвќл кортнэтэз —
Ваньзэ сайяз.
Тодмо бадь улэ пыждэ дугдытӥд.
Мон — тон доры...
Малы нош‚ малы ымнырдэ кисыртћд?
Вќсь эн кары!
Бордад кыстћськись киосме донгиськод.
Уг‚ уг валаськы!
Берпум кылъёстэ дыртыса вераськод.
Мон — уг кылћськы‚
Синъёсад учкыны тыршисько
(Маскарчи луэмдэ тодћсько).
Но ќвќл‚
Тон уд шудћськы‚
Али
Тон уд шудћськы ни...
|