* * *
Улонэ мынам
аслам ке но,
Улонэ! аслам ик тон ӧвӧл.
Малпанэ мынам
аслам ке но,
Малпанэ! аслам ик тон ӧвӧл.
Эшъёсы мынам
аслам ке но,
Эшъёсы! аслам ик тӥ ӧвӧл.
Ужъёсы мынам
аслам ке но,
Ужъёсы… аслам ик тӥ ӧвӧл!
Коркае мынам
аслам ке но,
Коркае мынам аслам ӧвӧл…
Куарае мынам
аслам ке но,
Куарае мынам ини ӧвӧл.
Осконэ мынам
аслам ке но,
Осконэ ини мынам ӧвӧл.
Кулонэ мынам,
шат тон гинэ
Тон гинэ зэмос мынам аслам?
|