•••> Н.Глебова. Азькыл

* * *

Мон ӧй кошкы на ай,
Мон татын на али,
Учкисько на тынад синъёсад.
Кылӥсько куарадэ,
Шӧдӥсько шокамдэ,
Киосты йӧтӥсько пельпумад.

Нош сюлэм чигиське,
Кошконэз шӧдыса,
Тупась кыл но уг сюр вераны.
Небытэсь йырсияд
Йӧтскисько кииным…
Шумпотон со: тонэн сылыны.

Муспотон ымдурад
Учкисько берпумзэ,
Ымдурме ымдурад йӧттӥсько…
Сюлэмме юнматса,
Киосме шыпытак
Пельпумъёс вылысьтыд басьтӥсько.