АКШАНЫСЬ – АКШАНАМ
Акшанэлэсь пегӟисько мон вотэ.
Сайкасько – уй лыктэ пумитам:
Лэзиське котырам сьӧд вотэс.
Мон понна сое кин-о чильпам?
Я Инмар, пеймытын номыре
Мон медам йыртэма шуыса,
Я Шайтан, ужъёсме та дыре
Кыштырак мед лэсьтом малпаса?
Оло нош йырвизьмы сураськиз,
Оло котьку сыӵе ик со вал.
Нош али вотэсэ со шедиз,
Я сопал дуннеын, я тапал
Тодытэк. Шайтанэз сураса
Инмарен, дыртэмен киросъёс
Палляныз киыным тырыса,
Мон адӟи: ӝуатско толэзьёс…
…Кытынме, малыме валатэк,
мон выльысь ебрытски уйвотам;
Отысен Киростэк, Вотэстэк
Вордӥсько акшанэ… Акшанам.
Вуюись: Альманах. – Ижкар, 2003. – С. 7 – 8.
|