•••> Т. Ботникова. Азькыл

Одӥг кырым яратон

Тон вуылод ай мон доры,
Нош мон дорад – уг ни.
Яратонэ – одӥг кырым –
Тыныд уз ни тырмы.
Нылъёс – туж трос, мылкыд – бадӟым,
Сое тон люкылћд,
Яратонэд – одӥг кырым –
Мыным ӧз ни тырмы.
Вань мылкыды – кылбуръёсам,
Тодам тон ӧвӧл ни,
Яратонэ – одӥг кырым –
Тыныд ӧз ни кыльы.
Мон – ӧвӧл мон
Мон – ӧвӧл, дыр мон.
Мон – сюлэм мозмон,
Шуныт зор усён,
Ӝыт шунды пуксён…
Мон – дыдык тӧдьы,
Бурдъёсы – вќл-вќл…
Мон – со мон ӧвӧл.