* * *
Инбамысь васьконтэм Инмаре!
Шуд сярысь кыдёкысь малпанам
Шӧмъятӥд вал мыным нянь юдэс,
Ву шапык но пальккид мон поннам.
Кылӥськиз вал мыным чалмытлык,
Ньылонтэм со вылэм, шокчонтэм.
Шӧдӥськиз ог-огмес валатскон
Пал кылын но полэс кайгуэн.
Кыдёкын кылдэмез туж матын,
Кыдёке ышемез весь вӧзам.
Малы выль гожтэтэ гожтонтэм,
Вужъёсыз гожтэмын ке ӧй вал?
Ӧс куспын кемалы ӝегатскоз
Улонысь яратон но гажан?
Нош ик чик валантэм ӵук оскон,
Инмарме нош ик юнме малпан…
//Арзами Очей. Инкуазе: Кылбуръёс. - Ижкар, 2004.
|